المخدة النفسية0000

[موضوع جديد ومفيد هنعمله مع بعض
عشان نحاول نبقى مجتمع متسامح بلا مشاكل وبلا فهم خاطئ للمواضيع
عيزين نبقى كلنا أســره واحده بنحل مشاكل بعض وبخاف على بعض وعاوزين نغير من نفسنا


موضوعي يقترح دعوه لتغير النفس

تعالو نشوف فكرة الموضوع اللى بفكر فيها ويارب تعجبكو


دلوقتي زي ما رسولنا الكريم ( عليه أفضل الصلاة والسلام ) قال
ان لازم كل واحد مننا

ينام اخر يومه على مخدته وهو مسامح كل الناس وميكونش شايل ضغينه لحد ولا كره


ولو زعلان من حد لازم يصالحه وخيركم من بدأ بالسلام
وكمان لازم واحنا نيمين على المخده دي نحاسب نفسنا على كل اللى عملناه غلط فى اليوم
وايه اللى عجبنا النهرده وايه اللى زعلنا


ايه رأكم انا جعلت اسم الموضوع المخده النفسية
وكل واحد يدخل الموضوع يتكلم عن شوية حاجات زي ......


- ايه اللى زعلك النهرده وخلاك تتعصب قوي ومن مين ؟
- ايه اكتر حاجه فرحتك النهرده ومن مين ؟
- ايه اللى كان نفسه يحصل ومحصلش ؟
- ولو فى حد زعلك النهرده او ضيقك وعمل معاك موقف زعلك قولنا عليه لو تحب .

أكيد بتسألو ليه كل ده صح



انا نفسي تكون الناس كلها متسامحه مع بعض وميزعلوش من بعض
الا لو كان فى حاجه لا نستطيع غفرانها
لان ناس كتير قوي بتزعل من ناس وممكن تكون الناس دي مظلومه
لكن انت الوحيد اللى شايف انهم غلطانين وغلطو فيك
لكن ممكن يكون أراء ناس تانيه هتشارك معانا هنا تفيدك
وممكن تحسسك فعلا انك انت اللى حساس جدا وبتزعل من اقل حاجه
يعني كلنا هناخد رأي بعض

اه نسيت اقولكم حاجه مهمه
الموضوع مفتوح كل يوم يعني اللى يكتب النهرده يكتب برضه بكره
لان كل واحد بيعدي عليه حاجات كتير قوي بتحصل فيومه وطبعا كل واحد برحته


وعلى فكره ممكن تكون الحاجه اللى هتقولها عاديه ومش مهمه قوي
بس كل الموضوع ان احنا نحس ان احنا قريبين من بعض وبنطمن على بعض
الموضوع ليس جديا بطريقة بحته لكن ممكن يكون فى الترويح عن النفس والفضفضة فى حدود الأدب طبعا

موضوع في قمه الروعه
شكرا ليكي اختي