الرئيسية
أحدث الصور
من طرف قصة واقعية مؤثرة حصلت في أحد المنتديات لشاب ..
أنقلها لكم بلسان ذاك الشاب وبقلمه ..
أرجو منكم قراءة القصة واكمالها الى الاخير ..
وتوضيح رأيكم بالقصة ..
----------------------------------------------------------------------
.:: القصة ::.
يقول :
لاحظت في فترة من الفترات أن فيه عضوة من أعضاء المنتدى اللي أنا فيه مركزة على مواضيعي وترد عليها..
وكانت ردودها ردود إعجاب شديد لدرجة إنها صارت تدور مواضيعي كلها وترد عليها.. حتى لو كانت قديمة ..
صرت أجلس على الإنترنت أكثر من جلستي مع أي شخص ثاني ..
أبدأ بالأفكار والكتابة والتأليف كل هذا لأجل المعجبين مايفقدون حسي في المنتدى ..
وفي يوم من الأيام كنت خارج للمقهى مع أصدقائي كعادتي في الفترة الأخيرة مااطول معهم رجعت تلك الليلة بدري يعني حوالي الساعة 12 بالليل ( حنا يالشباب الفاضي 12بالليل . يعتبر أول الليل عندنا )
وأنا راجع بسيارتي ولوحدي
دخلت شارع حارتنا الرئيسي .. وكان كالعادة في مثل هالأوقات فاضي تقريبا..
وفجأة ...
لقيت بنت لحالها بالشارع وتأشر ..
أنا حسبتها تأشر لليموزين وراي .. بس يوم طالعت مع المراية ماوراي سيارات ..
قلت في نفسي ... وش عندها ذي ... وش قصتها !!!
خلني أخذ فرة ثانيه بالشارع وأشوف وش السالفة ..
خذت لي فرة وفرتين وثلاث....
وكانت كل مامرت سيارة أشرت لها ومحد يوقف لها ..
أنا قلت : بوقف لها .. بس خفت تكون رجال من ذا اللي يقطعون الطريق ويكون لابس عباية يعني مسوي تمويه ولا شي ..
لكن بالأخير وقفت
قلت : نعم وش عندك تأشرين ؟!!
قالت: لو سمحت يااخوي أبيك توصلني للبيت
أنا : ومتى المعرفة عشان أوصلك لبيتكم
هي : أجل وشله واقف لي
أنا : أنا واقف أبشوف وش سالفتك ! يعني بنت تالي الليل وفي شارع فاضي .. وش القصة ؟!!
هي : مو معنى هالشي إني أكون من اللي في بالك .. أنا كنت راكبة مع ليموزين .. وبدأ يزيد بكلامه فطلبت ينزلني ..
أنا : لاحول ولاقوة إلا بالله... طيب طيب ... بيتكم وينه ؟
هي : قريب يعني تقريبا ثلاث كيلوات من هنا
أنا : طيب .. يالله أركبي خل نوصلك نكسب فيك أجر
جت تركب ورا وقلت لها : لا تعالي قداااام ... رفضت
قلت لها : ركوبك ورا يجيب لي الشبهة تعالي قدااام ومايكون إلا كل خير
وفعلا ركبت قداام ..
وأول ماركبت ..
قلت : إسمعي يابنت الناس ، أنا بعد ما تأكدت أنك بنت .. أنا اخاف أنك من قطاعين الطرق واللي يتقنون أصوات الحريم.. وعشان كذا ماخليتك تركبين ورا... أخاف وأنا أسوق تجيني من ورا غدر وتسوي فيني شي
ردت علي وقالت : والله بنت ... وماني من ذا اللي تقول عنهم...صدقني
قلت : إكشفي لي وجهك
قالت: ( وبسرعة) مستحيل
قلت : أجل إنزلي
قالت: تكفى ياخوي أنا ماصدقت اني القى أحد يوصلني أرجوك لاتخليني في ذا الشارع المظلم لحالي
قلت : أنا لازم أتأكد أنك بنت
قالت : والله بنت.. وأرجوك لاتستغل الموقف
قلت : هذا حقي .. انا ماقلت أبسوي شي حرااام لاقدر الله .. أنا أبي اتأكد
قالت: أنا وكلت رب العالمين في أمري
وكشفت نصف وجهها.. وشفت دموع تسيل من عينها
أستغربت... بس جمعت قواي وسحبت لثامها كله... وشفت شي عجيب
وجهها .. شفت الحسن كله....شفت الجمال... سبحان الله صورها .. وشفت دموع تسيل على خدها
كانت تبكي بدون صوت... حتى مارفعت عينها بعيني
غطيت وجهها وصديت.. ومسكت طريقي ومشيت فيه
كان تفكيري يلعب فيني شمال ويمين
هي وش طلعها من ليموزين تالي الليل..وش سالفتها... ياولد لاتكون من بنات الليل
بس كنت كلما تذكرت كلمتها ( وكلت رب العاملين في أمري ) وكل ماتذكرت دموعها... أستغفر الله وأرجع عن الأفكار السوداء
وبعد وقت قصير وصلتها لبيتهم ... ونزلت بسرعة أختفت ورا الجدران
وأنا قاعد أتابعها وأفكر في هالبنت العجيبة
مادريت إلا وأبوها ينزلني من السيارة غصب ويجلد فيني جلد... ومافكني منه إلا البنت... يوم حلفت له إني مالمستها بشر
الأب وقف وهو مازال ماسكني وطالعني وقال : تنام هنا وبكرة نروح للمستشفى ونتأكد من كل شي
وافقت مضطر يعني واحد في نفس موقفي وش يبي يسوي
وأتصلت على أهلى وقلت لهم إني أبنام عند صديقي محمد اللي ساكن لحاله لأنه مريض وابغى أشوف طلباته
والله ويدخلني أبوها للمجلس..ويقفل علي الباب
نمت عندهم وأنا عيوني مفتوحة...أفكر في هالورطة اللي ورطت نفسي فيها بدون داعي....البنت أنا وش دخلني فيها أروح أوصلها كان خليتها ويرزقها رب العالمين من يوصلها..
كنت خايف ويزداد خوفي إذا سمعت خطوات أبوها وهو قاعد يمشي عند الباب رايح جاي
وأصبح الصبح...وقبل كل شي... نقزنا للمستشفى وسوينا التحاليل للبنت والفحوصات وكل شي
والحمد لله طلعت البنت شريفة
وحنا طالعين من المستشفى ...
قال لي أبوها.. ياوليدي أنا اسف ... بس العذر والسموحة يعني واحد موقفه مثل موقفي ...يعني يطلع للحوش الساعه 1 الفجر ويلقى بنته تدخل عليه البيت... وواحد غريب هو اللي موصلها.. وش تبغا يكون تصرفي غير هذا
قلت : ياعم .. أنا ماشرهت عليك... ومن حقك كل اللي سويته.. وتتطمن على بنتكم المصون
قال : ياوليدي أنا أبسألك سؤال؟
قلت : تفضل
قال : أنت متزوج؟؟
قلت : خلني أخلص دارستي واتوظف وبعدين أفكر بالزاوج..يا عم أنت عارف أن هالزمن صعب
قال : الله يستر عليك زي ماسترت على بنتي... ويوفقك لبنت الحلال اللي تسعدك انشاء الله
قلت : اللهم أمين... أنا أبمشي اللحين توصيني على شي
قال : سلامتك ياوليدي والله يحفظك.... وانا اسف مرة ثانية
تركتهم ومشيت ورجعت لبيتنا
والخوف و الروعة مازالت في قمتها..لدرجة أني ماطلعت من البيت أسبوع... إلا ما طلعت حتى من غرفتي
وبعد هالأسبوع رجعت للأنترنت مرة ثانيه وتذكرت المعجبين اروح أشوف وش صار على المنتدى وعلى مواضيعي....
يوم دخلت المنتدى
لقيت موجود رساله خاصة .. قلت أشوفها
لقيتها من العضوة اللي دايم ترد على مواضيعي بأعجاب ، وكانت تطلب في الرسالة ما يلي :
عندها قصة وتريدني أكتبها بأسلوبي لأنه زي ماتقول معجبها الأسلوب ..
أنا ارسلت لها وقلت هاتي القصه ونشوف وش نقدر نسوي
المهم رجعت للمنتدى وقعدت أتصفحه كنت مشتاق له حيل
وبعد نص ساعه لقيت انه يوجد عندي رساله خاصة توها تجي
فتحت الرسالة.. ولقيتها من نفس العضوة
وكاتبة القصة
قعدت أقرأ بطريقة الكبار يعني أدقق عند كل حرف واوقف عند كل كلمة
لكن .. عجيب ..
هذي هي نفس قصتي ..
قصتي مع البنت اللي لقيتها بالشارع
وش الكلام هذا
وشلون .. معقوله تكون هي نفسها البنت
لالا ما أظن
كيف هذا .. قعدت منهار أسبوع كامل
فكرت كثير .. وقررت إني أعرف من هي هذي العضوة
ارسلت لها وطلبت انها تسوي اضافه بالماسنجر عندها عشان أناقشها على القصة
وفعلا بعد يومين لقيت إضافه بالماسنجر
((@xxxxxxxxxxxxxxxxxxxxx.COM------ ) .... عبق الزهور يرغب بالتحدث إليك)
قبلت الإضافة وجلست أنتظرها .. وفعلا بعد ثلاث ساعات لقيتها داخلة الماسنجر
ودار بيننا الحوار التالي :
سلطان says:
السلام عليكم...
عبق الزهور says:
وعليكم السلام
سلطان says:
يالله حيها ... كيف الحال ... وش الأخبار.. بشرينا عنك
عبق الزهور says:
بخير
عبق الزهورsays:
ممكن تقولي إيش سويت بالقصة لو سمحت؟؟
سلطان says:
أنا ودي أسألك سؤال إذا ممكن؟
عبق الزهور says :
بس أنت ماجاوبت على سؤالي !!
سلطان says:
القصة غريبة شوي وما أتوقع انها ممكن تكون حقيقية زي ماقلتي لي بالرسالة الخاصة
عبق الزهور says:
لأ... لا والله حقيقية وصايرة مع صديقتي
سلطان says:
صديقتك!!! ممكن أعرف أسمها
عبق الزهور says:
نعم .. أنت وش خصك بالإسم .. صحيح إنك تجيد فن القصص بس الأسماء مالها علاقة بالموضوع
سلطان says:
أنتي تعرفين اللي وصلها لبيتهم من يكون !!
عبق الزهور says:
لأ.. طبعا لأنه وصل صديقتي ماوصلني أنا و مو من طبعي الإلحاح مثل الغير
سلطان says:
عموما أنا أبقولك من اللي وصلها مادام أنا اجيد فن القصص... ترا أنا أجيد فن التوقعات..
عبق الزهور says:
طيب خل نشوف يابديع زمانك.. من هو ؟؟
saysسلطان :
أنا
عبق الزهور says:
؟؟؟؟؟ إيش تقصد ؟؟؟؟
سلطان says:
أنا اللي وصلتها .. وعندي الدليل
عبق الزهور says:
الدليل ؟؟؟
سلطان says:
نعم الدليل اللي يثبت أنه أنا نفس الشخص
أنا مستعد أذكر لك أشياء صارت في نفس الليلة ومااحد غريب ممكن يعرفها غير نفس الشخص اللي وصلها
عبق الزهور says:
مثل؟؟؟؟؟
سلطان says:
وش كانت شنطتها ووصف ووجهها ... ولون ثوبها .. ووأوصف لك أبوها بعد لوتبين
عبق الزهور says:
طيب يلا قول أوصف خلني اشوف
saysسلطان :
أنتي وش يهمك طيب؟
عبق الزهور says:
أنت اللي طلبت مو أنا ؟؟؟
سلطان says:
إيه صح
وبديت أوصف لها كل شي ... واثبت لها اني أنا نفس الشخص اللي وصل صديقتها
عبق الزهور says:
فعلا أنت صادق بكل اللي قلته
سلطان says:
شفتي أنه أنا نفس الشخص اللي وصل صديقتك
عبق الزهور says:
أنت تدري مين البنت ؟؟؟
سلطان says:
كل اللي أعرفه انها صديقتك
عبق الزهور says:
أنا... هي نفس البنت
سلطان says:
معقولة !!!!!!!!!
وانقطعت ذيك المحادثة وأنا ماخذت جواب شافي
وكنت مستغرب كيف الأقدار تجمع بيننا بعد ماظنيت أني خلاص أنتهيت من سالفتها
قررت أني أجلس لها واقعد أنتظرها في كل الأوقات لين ألقاها
وجاء يوم ودخلت وكلمتها .. وسألتها
سلطان says:
ممكن سؤال ؟
عبق الزهور says:
تفضل
سلطان says:
أنا أبغى أفهم أنتي وش طلعك ذيك الليلة وخلاك تركبين مع ليموزين .. انا ترا من ذاك الأيام وأنا أفكر في هالشيء
عبق الزهور says:
إسمع سلطان .. أنا أمنتك على نفسي وركبت معك توصلني .. وأظن لو قلت لك على سري ماراح تتكلم عني فيه عند الناس .. وخصوصا إنك حتى البيت تعرفه
سلطان says:
وأنا انشاء الله أبكون عند حسن ظنك
عبق الزهور says:
أنا كنت نايمة عند خالتي .. لأنه بنت خالتي في نفس عمري .. وفي الليل سمعت زوج خالتي قاعد يصارخ على خالتي وبدأ يتكلم كلام جرحني
يقول أننا ماتحملنا بناتنا عشان نتحمل بنات العالم .. ومن هذا الكلام اللي يجرح .. وخالتي مسكينه تحاول تسكته وهو يصارخ بصوت أعلى ..
أنا ماقدرت اتحمل أني قاعدة في بيته وهو مايبغاني أجلس فيه
حسيت إني أنجرحت بكلامه .. ومالقيت نفسي إلا برا البيت
سلطان says:
إيه بس انتي بنت ومايصير تطلعين لحالك في وقت متأخر
عبق الزهور says:
وقتها ماقدرت أفكر .. لاتلومني .. حس فيني الله يخليك
سلطان says:
انا ماأدري وش أقولك بس الأيام راح تبين لك هل اللي سويتيه صح ولا خطأ
أخيرا عرفت السبب اللي خلاها تطلع تالي الليل .. وكان بالنسبة لي كافي ومقنع ماادري ليش
ومع مرور الأيام بديت أحس بقرب لها وبديت احس انها لي
وبديت أحس أن رب العالمين أرسلها لي ذيك الليلة .. ووخلاها بطريقي عشان أعرفها .. وتكون من نصيبي ..
وصارحتها بهالشي .. وكان عندها نفس الإحساس والشعور
وعشنا مع بعض ايام كلها حب وسعادة .. وماكن ينغص علينا شي أبداً
أصلاً ماكنا نسمح لشي يخرب علينا جونا اللي معيشين نفسنا فيه
ولكن ..
لكن ..
كان القدر اقوى منا
ومارست الأيام جبروتها علينا
وفرقت بيننا
تقدم لخطبتها شاب من هالشباب .. هي ما كانت تبغاه بس ابوها كان خايف عليها لأن العمر يمشي وهي مابعد تزوجت
وفعلا تزوجت بعدها بشهور
وانا متضايق ومقهوور
بعدين جاء الخبر اللي أسعدني وضايقني بنفس الوقت
.........................................
.........................................
وعلى طول وبعد ماانتهت عدة الأربعة شهور وعشرة ايام ..
تقدمت لها وطلبتها
ووافقوا
تزوجنـــا ..
وعشنا حياتنا من جديد حياة سعيدة
بديناها حب وأنتهت قصة الحب بزاوج
وخالفنا القاعدة
وأثبتنا للكل أنه ممكن للحب ان يعيش إذا خالط الحب صدق .
-------------------------------------------------------------------------
انتهت القصة ..
ولا تكتمل الا بردكم وآراؤكم ..
خلوني أشوف ردودكم وآراؤكم في القصة ..
» شارك للفوز ب 1000 درهم
» هل ترغب بتعلم الانجليزية مع متحدث عامي مجانا؟
» هدية نقدية بقيمة 1000 درهم مغربية من موقع حيلة
» المسابقة الرسمية الرابعة لموقع حيلة بجائزة نقدية قدرها 500 د
» قوانين المنتدى الرسمية ( الرجاء الاطلاع قبل المشاركة )
» حاول تعرف
» فزوووووره
» فزوره والله العظيم اسهل مما يمكن
» ما هو الشى ؟؟؟؟؟؟؟؟
» مــــاهــي أمنيتــــــــــــــــك اليــــــــــــــــــوم ؟؟
» دعاء عمرو دياب - يانور على نور MP3 High Quality