ساعدوني محتاجلكم (المشكله عاطفيه)

اجمل اسره واحلى اخوات واخوه
محتاجه رايكم اوي
الموضوع بخصوص صديقتي الصدوقه اقرب قلب لقلبي
فعلا انا وهي واااااااااحد بكل معاني الكلمه

هي في مشكله حقيقيه وعاطفيه
وانا اول مره احتار كده ومعرفش اديها رايي وهي محتاجاني
مكنتش عارفه اعمل ايه لغايه لما فكرت فيكم انتم يارب الاقي عندكم الرد
الموضوع وما فيه
من مده يعني من حوالي سنه ونص واكتر بدات هي وزميل لينا
في تبادل نظرات واقول تاني نظرااااات اعجاب
مع العلم ان الشاب دا خلوق جدا في الدفعه كلها
وهي ملهاش في كده خالص قصدي يعني هي وقت ما بتبص له ضميرها بيانبها
المهم مرت الايام بالشكل دا وكل يوم بموقف جديد من الشاب دا
تؤكد انه فعلا معجب بيها وبيحبها وطبعا الموقف من غير كلام
يعني بالنظرات بس بردو بس بقى فيه كيميا محدش يفهمها غيرهم
انا مش بشكك في حبه ليها خاااالص انا كنت معاها بنفسي ومتاكده انه بيحبها
مع العلم ان الشاب دا ضامن مستقبله .......
المهم صحبتي بدات تتخنق من الوضع دا اللي هو مرحله الاعجاب
ومفيش اي تقدم عن كده
دا غير انه جت عليه فتره وكان دايما مع بنت معينه دايما قاعد معاها
دا طبعا غير العاده هو اصلا عمره ما اتكلم مع بنات واحنا متاكدين من اخلاقه
بردو مش هشكك في اخلاقه هههه
انا عارفه انكم زهقتم بس معلش استحملوني الموضوع يهمني اوي
قررت صحبتي انها تنسحب لانها زعلت لما شافته دايما مع البنت دي
دا غير ان الكلام كتر عليه
المهم يعني في عز ما هو كان مع البنت دي كان بردو بيكرر نفس
المواقف عادي جدا مع صحبتي وكانه مش واخد باله
المهم ضغطت صحبتي على نفسها كتير عشان تنساه لانها كده مش ضمناه
ومن حسن حظها ان اجازه نص السنه جت واهي ساعدتها شويا عشان ما شفتهوش
بس بعدها بدا الترم طبعا وشافته واكتشفت انه مانسيتش
بس بتضغط بردو على نفسها انها مش تبصله خاااالص
ولاحظت ان البنت اياها مبقتش تكلمه ولا بيكلمها
اساسا البنت كانت بتكلمه عشان مصلحتها الدراسيه
ولاحظت كمان انه بيكرر المواقف وانه زعلان عشان صجبتي يعني
شكلها متغير معاه
المهم هي دلوقتي محتاره وضميرها مأنبها حست انها ممكن تكون بتظلمه
وهو انسان كويس ميستهلش الظلم دا
وخايف ترجع فتندم تاني
سالتني بس انا كمان محتاره واللهي
طولت عليكم انا عارفه بس معلش واللهي

لو شريكى فعلا
قصدى شريها

اولا انا بشكرك جدا على النصيحه بجد
ثانيا الموضوع فعلا مش موضوعي
ولو كان موضوعي كنت هقول بكل صراحه عادي واللهي
بس انا مبسوطه اوي بردك
لاني كنت محتاره
وميرسيه لتنبيهك ويارب اعرف اقنعها بوجهه نظرك

بص يا باشا
اولا كل كلمه قالتها كوكي عندها حق
مافيش حاجة تقدر صاحبتك تمسكها عليه
يعني لا قلها بحبك ولا حتى معجب بيكي
يعني مهما يعمل مالهاش الحق انها تزعل او تحسسه بكده
خليها كول وفري جدا معاه يعني زميل عادي
ولو حصل انه عايزها هيكلمها من ثم
يدخل من الشباك احم احم قصدي الباب
مش ضروري يرن الجرس انا عارفه اكيد صاحبتك قاعده جمب الباب
ههههههههه بهزر بهزر اوعى تزعل
المهم خليها تاخد بالها من النقطه دي
وف النهايه او يعني حاجة مهمة تعملها ووالله والله هتريحها جامد جدا
اكيد عرفتيها
خليها تحكي لربنا وتدعيه وتحكي كله كله
وبإذن الله ربنا مش هيردها ابدا وهيستجيب دعاؤها
وانا كمان هدعي ليها يارب يريح قلبها ويساعدها يارب
مع خالص التحايا

لا تتخيل كل الناس ملائكه

صراحه يامشمشه مش عارفه اقول ايه بس الي بيحب حد حريص اولا انه يصارحه ويوصله انه بيحبه وخصوصا الرجل تانيا اكيد الي يحب حد يخاف عليه ويحرص انه مايسيء له

لوبحبهافعلا هيتقدملها
وهيامش غلط لوسألته عن طبيعه مشاعره تجاهها وبعد كده لوفعلاعاوزها ايه المانع ؟
مجرد رأي ربنايوجهها للخير يارب

هيرو....
شكرا ليكي جداااااا
وعندك حق
خير الامور الوسط
يعني المفروض فعلا تكون على طبيعتها
وفي نفس الوقت متبعدش اوي ولا تقرب اوي
دا غير طبعا ودي حاجه اساسيه
قلتلها تصلي استخاره

همت.....
شكرا ليكي ولرايك
ميرسيه لمشاركتك

هبه........
شكرا ليكي جدا
بس بصراحه
معتقدش انه ينفع ابدااااااااا انها تساله
ليه بقى؟؟
هقولك.........
اولا هي متقدرش وميجلهاش الجراه دي ابد حتى لو هتخسره للابد
ثانيا في نوعيه كده من الشباب ممكن يكونوا بيعشقوا البنت اللي قدامهم دي
بس لو جت البنت دي واتكلمت او عملت اى حاجه غير طبيعتها
علطول تسقط من نظره
فعلى ايه بقى كل دا
لا يبعد احسن بالسلامه لو عايز
ساعتها هيكون هو الخسراااااان

كوكي.........
يا قمرايه انتي انا عايزه اقولك حاجه مهمه جدااا
انا مستحيييييييييييل مستحيل ازعل منك ابدا
وتعليقي على الجمله دي مكنش زعل
لا واللهي ابدا
انا بس حسيت انك فاكره اني بتكلم عن نفسي فقولت اصحح الفكره بس
بس مزعلتش ومزعلش منك انتي يا كوكي
ولا هنزعليني بقى دلوقتي عشان افتكرتي اني زعلانه؟
كده بردو
بقى انا ازعل منك
ولا من اي حد اصلا في المنتدى الجميل دا
انا بس زعلانه من عضوتين تانيين
اول حرف من اسمهم ....
................ها..وتو....
هههههههههههههه
الغاز ههههههههههههههه
تحياتي الخاصه بقى
لضي القمر
ليكي وحشه واللهي

هبه.......
انا فهماكي واللهي وفاهمه قصدك
بس مش هينفع لان مفيش كلام بينهم اصلا
انتي عارفه انه ببساطه ممكن يحرجها ويقولها
انتي بتتكلمي عن ايه اصلا يا شاطره انتي؟؟
ههههههههههههههههههه
صح ولا ايه؟؟

مشمشه هو ده اللى انا قصدى عليه والله انه مش هينفع انها تكلمه فى حاجه زى دى خالص
وعلى فكرة انا كده مبسوطه منك علشان كده بدئتى تفكرى لصحبتك
وقوللها بلاش الحيرة دى وعلى رأى هبه خليها تسبها لربنا

مين الي مزعلك ف المنتدى بس يا مشمش
بقولك ايه انا خايفه اشك ف نفسي العضوة الاولى ها زيي بالضبط
ها يا باشا انا فعلا ابتديت اشك ف نفسي
اوعى اكون انا
دنا وربنا غلبانه موت
يلا طمنيني

شكرا احلا بنات واحلا حلوين في المنتدى

هيرو.....
معقول انا بردو ازعل منك يا ها..
لا طبعا
انا زعلانه من بنوته تانيه عيد ميلادها يوم 3
ومش هقولها....(كل سنه وانتي طيبه مقدما)